Onse Vader – Deel 3:

 

Matt 6:9-10 (53)

Só moet julle dan bid: ONSE VADER wat in die hemele is, laat U Naam GEHEILIG word …

 

… laat U KONINKRYK kom; laat U WIL geskied, soos in die HEMEL net so ook op die aarde …

 

Konneksiegroep:

  • Kies EEN AAND ‘n week om julle konneksiegroep te hou.
  • Vra elke lid van jou konneksiegroep om hulle Bybel saam te bring.
  • Indien julle wil kan julle weer saam nagmaal

 

WELKOM:

Verwelkom: Verwelkom elke groepslid

 

Ysbreker: Kies een van die volgende onderwerpe en gesels daaroor:

  1. a) Wat beteken dit om versoek te word? b) Hoekom word ons versoek?

WOORD:

  1. Gebed:

Open met gebed. (Gee almal ‘n geleentheid)

 

  1. Lees: 

KERNTEKSE VIR VANDAG:

 

Matt 6:13 (53)
En lei ons nie in versoeking nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.

Jak 1:12 (83)
Gelukkig is die mens wat in versoeking standvastig bly. As hy die toets deurstaan het, sal hy as oorwinningsprys die lewe ontvang

 

1 Kor 10:13 (53)
Geen versoeking het julle aangegryp behalwe ‘n menslike nie; maar God is getrou, wat nie sal toelaat dat julle bo julle kragte versoek word nie; maar Hy sal saam met die versoeking ook die uitkoms gee, sodat julle dit sal kan verdra.

 

Jak 1:13 (53)
Laat niemand, as hy in versoeking kom, sê: Ek word deur God versoek nie. Want God kan deur die kwaad nie versoek word nie, en self versoek Hy niemand nie.

 

  1. Gesels in julle Konneksiegroep oor die volgende:

 

In die woestyn tydens Jesus sy tyd van VAS en BID, word Hy versoek deur die vyand, die duiwel. Selfs Christus was versoek. Hy wat geen sonde geken het nie, is sonde gemaak en het in ons plek betaal vir ons sonde. Hy het die prys vir ons sonde betaal deur te sterf. Sonde bring dood. Jesus het die dood oorwin. Dit is die vyand wat ons in versoeking bring, hy weet al te goed dat versoeking na sonde lei en dat sonde uiteindelik op die dood afstuur. Hy haat God en hy haat die mens. Die mens is God se skepping. Hy sal enige iets doen om die mens se verhouding met God te vernietig.

 

Dit is in gebed wat ons ons versoeking na God bring. Ons bring dit na God en lê dit voor Sy voete. Ons kan nie alleen versoeking oorkom nie, ons het God nodig om ons te help NEE sê vir versoekinge. Wanneer ons oorval word met versoeking en ons knieë buig daarvoor, het ons ‘n Verlosser nodig wat ons kan verlos en bevry van die vloek van die dood. Hierdie gebed bevry en red ons. Versoeking word op ons knieë oorwin. In Gebed en Geloof in God.

 

  1. Lees weer Vandag se tekse en gesels daaroor:
  • Hoekom moet ons deur versoekings gaan?
  • Hoe hanteer ons versoekings in ons lewe?

 

  1. Gebruik nou Nagmaal saam as Konneksiegroep:

 

WORSHIP – Aanbidding – https://woordenlewe.com/connect-worship/

  • Maak tyd om vandag God te aanbid, gebruik die playlist wat op ons Woord en Lewe webwerf is onder Connect, of gebruik die aanbidding wat Sondag tydens die diens gedoen is. 

 

WERKE en vrae:

 

KOM HUISTOE
As Konneksiegroep spandeer net so 5-10 minute voor julle verdaag in stilte en elke lid beantwoord vir homself/haarself die vrae hieronder. Skep ‘n rustige atmosfeer en laat toe dat die Here met elkeen afsonderlik praat. 

 

  1. Hoe moet jy versoekinge hierdie week hanteer?
  2. Hoekom is dit vir jou belangrik om hierdie versoekinge te hanteer?
Let's chat