Ware Liefde – Deel 4

 

“Gaan deur, gaan deur die poorte (BEPERKINGS); berei die weg van die volk; gooi op, gooi die grootpad op; haal die klippe uit; LIG ‘n STANDAARD vir die mense op.” Jes 62:10 (CAB23)

 

Konneksiegroep:

  • Kies EEN AAND ‘n week om julle konneksiegroep te hou.
  • Vra elke lid van jou konneksiegroep om hulle Bybel saam te bring.
  • Indien julle wil kan julle weer saam nagmaal
  • Kyk: Kyk weer na die preek: “Ware Liefde” DEEL 4, deur Pastoor Renaldo Barnard op Woord en Lewe se Youtube bladsy.

 

WELKOM:

Verwelkom: Verwelkom elke groepslid

Ysbreker: Wat het jou vandag OPGEWONDE gemaak? Vertel meer oor die situasie, persoon of die gebeurtenis wat jou opgewonde gemaak het.

 

WOORD:

  1. Gebed:

Open met gebed. (Gee almal ‘n geleentheid)

 

  1. Lees: 
  1. a) … Verafsku (HAAT) wat sleg is en hou VAS aan wat goed is. Rom 12:9 (Week 1)
  2. b) Julle moet waarlik LIEF wees vir mekaar … Julle BEHOORT aan Christus en aan mekaar … (VERBOND) – Rom 12:9-10 (ABA) (Week 2)
  3. c) … Julle moet EERSTE wees om ANDER mense te RESPEKTEER. – Rom 12:10 (ABA) (Week 3)

 

KERNTEKS VIR VANDAG:

Moenie sleepvoet wees in julle toewyding nie; wees entoesiasties… Rom 12:11 (NLV) (Week 4)

 

  1. Gesels in julle Konneksiegroep oor die volgende:

Christus het homself as offer vir die Vader en ook vir elkeen van ons gegee. Hy vra dat ons ook onsself so as offer vir die Vader en die mense om ons moet gee. Paulus vra in die geleeste skrif dat ons nie ons Toewyding aan die Vader en die mense om as Sleepvoets moet doen nie. (Halfhartig, sonder om dit regtig te bedoel). Wat beteken Toewyding? Die Nuwe Testament Kerk het geglo dat elke mens ‘n Toegewyde lewe moes leef. Jou lewe is “Eenkant” gesit net vir God. Hulle het ook geglo dat jy nie Toegewyd en “Halfhartig” kan lewe nie. Toewyding beteken om jouself te gee, jouself te gee deur met die mense om jou te gesels oor die Vader en Sy seun Jesus en Hulle liefde vir almal op aarde.

 

Lees weer Vandag se tekse en gesels daaroor:

  • Hoe leef ‘n Toegewyde mens?
  • Wat beteken dit om met Entoesiasme te lewe?
  • Hoe kan ons as gesin God se boodskap van liefde en vergifnis met Toewyding en Entoesiasme aan die mense om ons vertel?

 

Gebruik nou Nagmaal saam as Konneksiegroep:

  • Gesels oor Christus en hoe Hy Toegewyd elke dag vir jou sorg.

 

WORSHIP – Aanbidding – https://woordenlewe.com/connect-worship/

  • Maak tyd om vandag God te aanbid, gebruik die playlist wat op ons Woord en Lewe webwerf is onder Connect, of gebruik die aanbidding wat Sondag tydens die diens gedoen is. 

 

WERKE en vrae:

ONBEPERK 24 – Ware Liefde.


As Konneksiegroep spandeer net so 5-10 minute voor julle verdaag in stilte en elke lid beantwoord vir homself/haarself die vrae hieronder. Skep ‘n rustige atmosfeer en laat toe dat die Here met elkeen afsonderlik praat. 

 

Gebruik die woorde: “WARE LIEFDE” as jou vertrek punt.

 

  1. Hoe kan jy hierdie week Ware Liefde uitoefen deur met ENTOESIASME en TOEWYDING die mense om jou BEDIEN?
  2. Wat maak jou ENTOESIASIES en Hoe kan jy meer van dit doen?
  3. Wat het jou TOEWYDING hierdie week nodig?