Ware Liefde – Deel 5

 

“Gaan deur, gaan deur die poorte (BEPERKINGS); berei die weg van die volk; gooi op, gooi die grootpad op; haal die klippe uit; LIG ‘n STANDAARD vir die mense op.” Jes 62:10 (CAB23)

 

Konneksiegroep:

  • Kies EEN AAND ‘n week om julle konneksiegroep te hou.
  • Vra elke lid van jou konneksiegroep om hulle Bybel saam te bring.
  • Indien julle wil kan julle weer saam nagmaal
  • Kyk: Kyk weer na die preek: “Ware Liefde” DEEL 5, deur Pastoor Gerhard Dalton op Woord en Lewe se Youtube bladsy.

 

WELKOM:

Verwelkom: Verwelkom elke groepslid

Ysbreker: Deel ‘n STORIE uit jou eie lewe: Gesels oor ‘n moeilike tydperk in jou lewe en hoe jy hierdie TYDPERK hanteer het.

 

WOORD:

  1. Gebed:

Open met gebed. (Gee almal ‘n geleentheid)

 

  1. Lees: 
  1. a) … Verafsku (HAAT) wat sleg is en hou VAS aan wat goed is. Rom 12:9 (Week 1)
  2. b) Julle moet waarlik LIEF wees vir mekaar … Julle BEHOORT aan Christus en aan mekaar … (VERBOND) – Rom 12:9-10 (ABA) (Week 2)
  3. c) … Julle moet EERSTE wees om ANDER mense te RESPEKTEER. – Rom 12:10 (ABA) (Week 3)
  4. d) Moenie sleepvoet wees in julle toewyding nie; wees entoesiasties… Rom 12:11 (NLV) (Week 4)

 

KERNTEKS VIR VANDAG:

“verbly julle in die hoop; wees geduldig in die verdrukking (swaarkry); volhard in die gebed.” Rom 12:12 (53) (Week 5)

 

  • Verbly julle in die hoop
  • Wees geduldig in die verdrukking(swaarkry)
  • Volhard in die gebed.

 

  1. Gesels in julle Konneksiegroep oor die volgende:

In Matteus 26:42 kry ons Jesus besig om te BID in die tuin van Getsemane. Hy besef dat alles wat vir Hom voorlê hom baie pyn, swaarkry en hartseer gaan veroorsaak. Selfs Jesus, die seun van God, word nie van PYN of SWAARKRY vrygestel nie. Ons gaan ook soms deur VERDRUKKING en SWAARKRY. Jesus het egter vir ons gewys hoe ons te werk moet gaan met swaarkry. Ons moet in GEBED na die Vader gaan en dit voor Hom bring. Ons moet geduldig wees in die HOOP met die wete dat ons nooit alleen deur SWAARKRY gaan nie. Die Vader was met Jesus en Hy sal met ons ook wees. Hy verwerp ons nie tydens SWAARKRY nie. Dus juis hier waar ons Sy nabyheid en liefde ervaar. Wanneer ons VOLHARD in GEBED, GEDULDIG in HOOP en vertroue op Hom wag tydens ons SWAARKRY, sal ons ervaar dat SWAARKRY nie so finaal en uitdagend is nie.

 

Lees weer Vandag se tekse en gesels daaroor:

  • Hoe verbly jy jouself in HOOP?
  • Hoe bly jy geduldig in verdrukking en SWAARKRY?
  • Wat beteken dit om te VOLHARD in Gebed?

 

Gebruik nou Nagmaal saam as Konneksiegroep:

  • Gesels oor die gebed wat Christus in die tuin gebid het en hoe Hy Sy Vader gevra het om Hom deur die SWAARKRY te ondersteun.

 

WORSHIP – Aanbidding – https://woordenlewe.com/connect-worship/

  • Maak tyd om vandag God te aanbid, gebruik die playlist wat op ons Woord en Lewe webwerf is onder Connect, of gebruik die aanbidding wat Sondag tydens die diens gedoen is. 

 

WERKE en vrae:

ONBEPERK 24 – Ware Liefde.


As Konneksiegroep spandeer net so 5-10 minute voor julle verdaag in stilte en elke lid beantwoord vir homself/haarself die vrae hieronder. Skep ‘n rustige atmosfeer en laat toe dat die Here met elkeen afsonderlik praat. 

 

Gebruik die woorde: “WARE LIEFDE” as jou vertrek punt.

 

  1. Hoe kan jy hierdie week Ware Liefde uitoefen deur GEDULDIG te wees in jou SWAARKRY?
  2. Wat help jou om jou Hoop te VERSTERK?
  3. Vir wie moet jy hierdie week bid, wat deur groot SWAARKRY gaan?