Onbeperkte GELOOF – Deel 1

 

Konneksiegroep:

  • Kies EEN AAND ‘n week om julle konneksiegroep te hou.
  • Vra elke lid van jou konneksiegroep om hulle Bybel saam te bring.
  • Indien julle wil kan julle weer saam nagmaal
  • Kyk: Kyk weer na die preek: ONBEPERKTE GELOOF – DEEL 1, deur Pastoor Sam Holmes op Woord en Lewe se Youtube bladsy of druk op hierdie skakel vir ‘n OPSOMMENDE VIDEO: https://www.youtube.com/watch?v=ySmXSML9-PE

 

WELKOM:

Verwelkom: Verwelkom elke groepslid

Ysbreker: Kies een van die volgende onderwerpe en gesels daaroor:

  1. a) Vertel ons van jou gunsteling TEKSVERS in die BYBEL. Hoekom het hierdie teks soveel waarde vir jou?
  2. b) Vertel ons van jou gunsteling BYBEL VERHAAL. Hoekom beteken hierdie verhaal vir jou so baie?

 

WOORD:

  1. Gebed:

Open met gebed. (Gee almal ‘n geleentheid)

 

  1. Lees: 

 

KERNTEKSE VIR VANDAG:

Lukas 1:1–4 (83)

Hooggeagte Teofilus! Daar is baie wat onderneem het om ‘n verhaal te skrywe van die dinge wat onder ons gebeur het. Hulle het dit opgeteken soos dit aan ons oorgelewer is deur die mense wat van die begin af ooggetuies en dienaars van die Woord was. Daarom het ek dit ook goedgedink om self alles stap vir stap van voor af te ondersoek en die verhaal noukeurig in die regte volgorde vir u neer te skryf. So kan u te wete kom dat die dinge waaroor u onderrig is, heeltemal betroubaar is.

 

  1. Gesels in julle Konneksiegroep oor die volgende:

Vandag gesels ons oor die Bybel. Deel van ons Geloofsvorming is om te glo dat die Bybel die ware Woord van God is. Ons glo ook dat die Bybel deur die Heilige Gees aan ons gegee is. As volgelinge van Christus vind ons, ons geloof en vertrou in die woorde van die Bybel. Mense het deur die eeue hulle lewens gegee vir hierdie geloof. Vandag nog vind ons mense wat vervolg word as gevolg van hulle geloof in God en geloof in die Bybel. Vandag nog is daar lande waar die Bybel nie in gelees mag word nie. Indien jy in een van hierdie lande met ‘n Bybel, of selfs net bladsy van die Bybel gevang sou word, kan jy tronkstraf of selfs doodstraf opgelê word. Duisende mense was al vervolg of doodgemaak omdat hulle ‘n Bybel of selfs net dele van ‘n Bybel in hulle besit gehad het.

 

Maar hoekom is die Bybel so belangrik vir ons Geloofsvorming?

 

As volgelinge van Christus is dit vir ons belangrik om te weet wat Christus gedoen het en hoe Hy geleef het sodat ons ook so kan doen en leef. Paulus skryf oor hoe hy sy geloof uit die Bybel kry. In Romeine 10:17 skryf hy: “Die geloof dus is uit die gehoor, en die gehoor is deur die woord van God.” Ons kry ons geloof vanuit die bladsy van die Bybel. Die Bybel is nie net nog ‘n geskiedenis boek nie. Die Bybel is ‘n lewegewende boek oor ‘n lewegewende God. Deur die bladsy van die Bybel deel van ons wese te maak, maak ons ons geloof in ‘n ware lewegewende God sterker.

 

Daar is ‘n ou Sondagskoolliedjie: “Lees jou Bybel en Bid elke dag en jy sal groei!” Hoe meer jy met die verhale van geloofsvorming te doene kry, hoe meer word jou geloof gebou, gevoed en versterk. Deur gedurig die Bybel te lees en oor die Bybel te gesels is jy besig om in jou Onbeperkte Geloof te groei.

     

  1. Lees weer Vandag se tekse en gesels daaroor:
  • Hoekom kan ons vandag nog glo dat die Bybel waar is?
  • Hoe Beïnvloed die Bybel jou daaglikse lewe?

 

  1. Gebruik nou Nagmaal saam as Konneksiegroep:
  • Gesels oor hoekom jy Glo.

 

WORSHIP – Aanbidding – https://woordenlewe.com/connect-worship/

  • Maak tyd om vandag God te aanbid, gebruik die playlist wat op ons Woord en Lewe webwerf is onder Connect, of gebruik die aanbidding wat Sondag tydens die diens gedoen is. 

 

WERKE en vrae:

 

ONBEPERK 24 – Onbeperkte GELOOF.


As Konneksiegroep spandeer net so 5-10 minute voor julle verdaag in stilte en elke lid beantwoord vir homself/haarself die vrae hieronder. Skep ‘n rustige atmosfeer en laat toe dat die Here met elkeen afsonderlik praat. 

 

Gebruik die woorde: “ONBEPERKTE GELOOF” as jou vertrek punt.

 

  1. Dink aan ‘n teksvers wat vir jou baie beteken. Sê dit in stilte vir jouself op of lees dit uit jou Bybel ‘n paar keer. Laat nou toe dat die Heilige Gees deur hierdie teks met jou praat.
  2. Vir wie moet jy hierdie week bid?