Vrou na God se hart

Lewe in volkleur

ONS MISSIE & VISIE

‘Vrou na God se hart’ is Woord en Lewe se Afrikaanse Vroue bediening met ‘n misie om elke vrou in gees, siel en liggaam te bedien, bemoedig en inspireer  om doelgerig en passievol in volkleur te leef.

Met vandag se gejaag, verskeie rolle wat ons as vrou moet beklee en soveel seer daar buite, is daar baie van ons vrouens, wat wanneer hulle in die spieel kyk net ‘n wit en swart weergawe van hulself sien, so ons wil jou help om na jouself deur God se oe te begin kyk en Sy volkleur prentjie vir elke fasset van jou lewe te sien en daarvolgens te begin leef. 

ONS BEDIENING

Ons  bediening bestaan uit ‘n verskeidenheid van geleenthede:

  • Hartkamer – waar ons elke 2de en 4de Saterdag van die maand bymekaar kom om te groei in ons verhouding met God en mekaar, ons plek en roeping in die liggaam te ontdek en dit met passie uit te leef.
  • Jolyt – waar ons bedien word deur ons jong Afrikaanse band, bekende sprekers, lekker saam lag en kuier.
  • Makieties – Afrikaanse ‘High Teas’– waar ons dames geleentheid kry om volgens ons verskeie temas aan te trek, heerlik saam te kuier, lag, gesels, eet en bedien te word deur bekende sprekers.
  • Vroue Retreats– waar ons stil word en net weer in kontak kom met die Vader se Hart en onsself.
  • Vroue Kamp– waar ons geleentheid bied vir kuier, lag, bedien, uitwaag en groot bederf.
  • Desember Kersmark– ‘Fellowship’ saam met vriende en familie onder die sterre.

Elke geleentheid het ‘n gepaste tema om ons vrouens toe te rus op hulle reis om te leef in volkleur en ‘n vrou na God se hart te word.

ONS SPAN

Ons span bestaan uit ‘n groep vrywilligers wat hul tyd, verlede, gawes en sterkpunte gebruik tot eer en verheerliking van Sy koninkryk in ander vrouens se lewens. Dit is dames van ‘n verskeidenheid van agtergronde en beroepe elkeen met sy eie ontsagwekkende storie om te vertel.

Voltooi asseblief vir ons die vorm as jy  betrokke wil raak.

© 2023 All Rights Reserved Word and Life Church