• Ware Liefde – Deel 6

 

“Gaan deur, gaan deur die poorte (BEPERKINGS); berei die weg van die volk; gooi op, gooi die grootpad op; haal die klippe uit; LIG ‘n STANDAARD vir die mense op.” Jes 62:10 (CAB23)

 

Konneksiegroep:

  • Kies EEN AAND ‘n week om julle konneksiegroep te hou.
  • Vra elke lid van jou konneksiegroep om hulle Bybel saam te bring.
  • Indien julle wil kan julle weer saam nagmaal
  • Kyk: Kyk weer na die preek: “Ware Liefde” DEEL 6, deur Pastoor Morné Kruger op Woord en Lewe se Youtube bladsy.

 

WELKOM:

Verwelkom: Verwelkom elke groepslid

Ysbreker: Deel ‘n STORIE uit jou eie lewe: Gesels oor ‘n moeilike tydperk in jou lewe en hoe jy hierdie TYDPERK hanteer het.

 

WOORD:

  1. Gebed:

Open met gebed. (Gee almal ‘n geleentheid)

 

  1. Lees: 
  1. a) … Verafsku (HAAT) wat sleg is en hou VAS aan wat goed is. Rom 12:9 (Week 1)
  2. b) Julle moet waarlik LIEF wees vir mekaar … Julle BEHOORT aan Christus en aan mekaar … (VERBOND) – Rom 12:9-10 (ABA) (Week 2)
  3. c) … Julle moet EERSTE wees om ANDER mense te RESPEKTEER. – Rom 12:10 (ABA) (Week 3)
  4. d) Moenie sleepvoet wees in julle toewyding nie; wees entoesiasties… Rom 12:11 (NLV) (Week 4)
  5. e) Verbly julle in die hoop; wees geduldig in die verdrukking (swaarkry); volhard in die gebed. Rom 12:12 (53) (Week 5)

 

KERNTEKS VIR VANDAG:

“HELP die medegelowiges in hulle nood en lê julle toe op gasvryheid. Seën julle vervolgers, ja, seën hulle, moet hulle nie vervloek nie.” Rom 12:13-14 (Week 6)

 

  1. Gesels in julle Konneksiegroep oor die volgende:

Woorde het baie krag. Woorde kan seermaak of woorde kan genees. God het vir ons die vermoeë gegee om te kan dink. Ons moet dink voor ons praat, ons moet dink oor die Woorde wat ons wil gebruik wanneer ons met iemand praat. Woorde van Seën kom gewoonlik maklik wanneer iemand vir ons mooi, opbouende woorde gee. Maar wat doen ons wanneer iemand vir ons afbrekende woorde gee? In Rom 12:14 sê die Bybel dat ons woorde van Seën moet spreek, selfs wanneer iemand ons Vervloek. Tydens so ‘n situasie kan ons dalk onsself regverdig en ook Veroordelende woorde vir die persoon wat ons vervloek terug gee, maar Rom 12:14 vra vir ons om te Dink in hierdie situasie en ons antwoord vir so persoon in ‘n Seën te verander.

 

Lees weer Vandag se tekse en gesels daaroor:

  • Hoe kan jy Seën oor iemand spreek wat jou Vervloek?
  • Hoe bly jy geduldig en kalm in so ‘n situasie?
  • Wat gebeur wanneer jy iemand Seën wat jou Vervloek?

Gebruik nou Nagmaal saam as Konneksiegroep:

  • Gesels oor Christus aan die kruis en hoe Hy selfs aan die kruis toe mense Hom vervloek het, woorde van Seën oor hulle gespreek het.

WORSHIP – Aanbidding – https://woordenlewe.com/connect-worship/

  • Maak tyd om vandag God te aanbid, gebruik die playlist wat op ons Woord en Lewe webwerf is onder Connect, of gebruik die aanbidding wat Sondag tydens die diens gedoen is. 

 

WERKE en vrae:

 

ONBEPERK 24 – Ware Liefde.

As Konneksiegroep spandeer net so 5-10 minute voor julle verdaag in stilte en elke lid beantwoord vir homself/haarself die vrae hieronder. Skep ‘n rustige atmosfeer en laat toe dat die Here met elkeen afsonderlik praat. 

 

Gebruik die woorde: “WARE LIEFDE” as jou vertrek punt.

 

  1. Hoe kan jy hierdie week Ware Liefde uitoefen deur WOORDE VAN SEËN oor die mense om jou te spreek?
  2. Vir wie moet jy hierdie week bid, wat WOORDE VAN SEËN nodig het?