Ware Liefde – Deel 8

OORWIN die kwaad deur die GOEIE

 

“Gaan deur, gaan deur die poorte (BEPERKINGS); berei die weg van die volk; gooi op, gooi die grootpad op; haal die klippe uit; LIG ‘n STANDAARD vir die mense op.” Jes 62:10 (CAB23)

 

Konneksiegroep:

  • Kies EEN AAND ‘n week om julle konneksiegroep te hou.
  • Vra elke lid van jou konneksiegroep om hulle Bybel saam te bring.
  • Indien julle wil kan julle weer saam nagmaal
  • Kyk: Kyk weer na die preek: “Ware Liefde” DEEL 8, deur Pastoor Renaldo Barnard op Woord en Lewe se Youtube bladsy of druk op hierdie skakel: https://youtu.be/dkEus7fCTlk

 

WELKOM:

Verwelkom: Verwelkom elke groepslid

Ysbreker: Deel ‘n STORIE uit jou eie lewe: Kies EEN van hierdie twee opsies:

  1. a) Gesels oor ‘n keer toe jy iemand wat iets slegs aan jou gedoen het moes VERGEWE? Hoe maklik was dit?
  2. b) Gesels oor ‘n keer toe iemand iets slegs aan jou gedoen het en jy GOED was vir hierdie persoon ten spyte daarvan dat hierdie persoon jou sleg behandel het?

 

WOORD:

  1. Gebed:

Open met gebed. (Gee almal ‘n geleentheid)

 

  1. Lees: 
  1. a) … Verafsku (HAAT) wat sleg is en hou VAS aan wat goed is. Rom 12:9 (Week 1)
  2. b) Julle moet waarlik LIEF wees vir mekaar … Julle BEHOORT aan Christus en aan mekaar … (VERBOND) – Rom 12:9-10 (ABA) (Week 2)
  3. c) … Julle moet EERSTE wees om ANDER mense te RESPEKTEER. – Rom 12:10 (ABA) (Week 3)
  4. d) Moenie sleepvoet wees in julle toewyding nie; wees entoesiasties… Rom 12:11 (NLV) (Week 4)
  5. e) Verbly julle in die hoop; wees geduldig in die verdrukking (swaarkry); volhard in die gebed. Rom 12:12 (53) (Week 5)
  6. f) “HELP die medegelowiges in hulle nood en lê julle toe op gasvryheid. Seën julle vervolgers, ja, seën hulle, moet hulle nie vervloek nie.” Rom 12:13-14 (Week 6)
  7. f) LAG en vier fees SAAM met elkeen wat bly HUIL SAAM met elkeen wat hartseer is. Rom 12:15 (Week 7)

 

KERNTEKS VIR VANDAG:

 Rom 12:21 (83) … OORWIN die kwaad deur die GOEIE. (Week 8)

 

  1. Gesels in julle Konneksiegroep oor die volgende:

Jy het seker al die spreekwoord gehoor: “Ek vergewe jou, maar ek gaan nooit vergeet wat jy gedoen het nie.” Om iemand wat iets slegs aan jou doen te VERGEWE is nooit ‘n maklike taak nie, jy gaan altyd onthou wat aan jou gedoen is en deur wie. Tog word ons as volgelinge van Jesus uitgenooi om nie net iemand wat iets slegs aan jou doen te VERGEWE nie, maar om die persoon vry te spreek en vry te stel van enige nagevolge.

 

Net soos VERGEWE en VERGEET mekaar komplimenteer, so word die KWAAD (Die slegte dinge wat aan ons, deur ander gedoen word) deur die GOEIE OORWIN. Daar is geen manier om KWAAD met KWAAD te oorwin nie. Ons sien in die samelewing baie voorbeelde van mense wat hierdie strategie volg en ons sien hoe hierdie mense in pyn en hartseer lewe. Weereens as volgeling van Christus word ons uitgenooi om GOED te doen teenoor die mense wat ons sleg behandel. Hierdie strategie wat Jesus van ons vra om te praktiseer, is nie vir die persoon wat sleg teenoor ons doen se voordeel nie, maar dit is tot ons eie voordeel. Wanneer ek GOED doen aan iemand wat KWAAD aan my doen, bring dit vreugde en vervulling vir my.

 

  1. Lees weer Vandag se tekse en gesels daaroor:
    • Hoekom voel dit so lekker om KWAAD te bly vir iemand wat iets slegs aan jou gedoen het?
    • Hoekom is dit nodig om iemand wat iets slegs aan jou doen te VERGEWE?
    • Hoe VERGEWE ek iemand wat iets slegs aan my gedoen het?

 

  1. Gebruik nou Nagmaal saam as Konneksiegroep:
  • Gesels oor Jesus wat aan die kruis sê: “Vader VERGEWE hulle want hulle weet nie wat hulle doen nie.” Luk 23:34 Die Nagmaal wys vir ons dat ons VERGEWE Gesels oor hierdie vergifnis wat ons gekry het.

 

WORSHIP – Aanbidding – https://woordenlewe.com/connect-worship/

  • Maak tyd om vandag God te aanbid, gebruik die playlist wat op ons Woord en Lewe webwerf is onder Connect, of gebruik die aanbidding wat Sondag tydens die diens gedoen is. 

 

WERKE en vrae:

 

ONBEPERK 24 – Ware Liefde.


As Konneksiegroep spandeer net so 5-10 minute voor julle verdaag in stilte en elke lid beantwoord vir homself/haarself die vrae hieronder. Skep ‘n rustige atmosfeer en laat toe dat die Here met elkeen afsonderlik praat. 

 

Gebruik die woorde: “WARE LIEFDE” as jou vertrek punt.

 

  1. Hoe kan jy hierdie week Ware Liefde uitoefen deur GOED te doen aan iemand wat KWAAD aan jou gedoen het?

2. Vir wie moet jy hierdie week bid?