Wat Sou Jesus Doen –  2: 

 

Matt 11:28-30 (53)

Kom na My toe, almal wat VERMOEID en belas is, en Ek sal julle RUS gee. Neem my juk op julle en LEER van My, want Ek is sagmoedig en nederig van hart, en julle sal rus vind vir julle siele; want my juk is SAG en my las is lig.

 

Konneksiegroep:

  • Kies EEN AAND ‘n week om julle konneksiegroep te hou.
  • Vra elke lid van jou konneksiegroep om hulle Bybel saam te bring.
  • Indien julle wil kan julle weer saam nagmaal gebruik.

 

WELKOM:

Verwelkom: Verwelkom elke groepslid

 

Ysbreker: Kies een van die volgende onderwerpe en gesels daaroor: 

  1. a) Vertel van ‘n ervaring waar Swaarkry jou gehelp het.                                                                                                                        b) Hoekom is Swaarkry goed vir ons?

WOORD:

  • Gebed: 

Open met gebed. (Gee almal ‘n geleentheid)


  • Lees: 

KERNTEKSE VIR VANDAG: 

 

Rom 5:3 (NLV)

Dis egter nie al nie – ons JUBEL selfs in ons SWAARKRY, want ons besef dat die swaarkry ons leer om te VOLHARD. 

 

Rom 5:4 (NLV)

Op sy beurt kweek volharding betroubaarheid van KARAKTER; en betroubaarheid van karakter VERSTERK ons toekomsverwagting.


  • Gesels in julle Konneksiegroep oor die volgende:

 

Niemand van ons hou van Swaarkry nie. Rom 5:3 leer ons om te jubel in Swaarkry. Swaarkry help ons om te volhard en volharding help ons om ‘n sterk karakter te ontwikkel. Swaarkry is nodig vir ons elkeen.

 

Ons kyk na ‘n klein voëltjie in sy eierdop en sien hoe hy sukkel om uit die dop te breek. Wetenskaplikes beweer dat indien iemand hierdie voëltjie sou help om uit die dop te breek, daar sekere komplikasies plaasvind en dat hierdie voëltjie sal sukkel om te oorleef. Die Swaarkry van uit die dop breek leer die voëltjie hoe om te oorleef.

 

Swaarkry se einde is nie Swaarkry nie, maar ‘n positiewe toekoms. ‘n Toekoms waar ons sterker is en beter moeilikhede kan hanteer. Swaarkry se einde is nie Swaarkry nie, maar eerder oorwinning en ‘n uitkoms.


  • Lees weer Vandag se tekse en gesels daaroor: 
  • Hoe leer ons Volharding? 
  • Hoe kry ons ‘n versterkte Toekomsverwagting? 


  • Gebruik nou Nagmaal saam as Konneksiegroep:

 

WORSHIP – Aanbidding – https://woordenlewe.com/connect-worship/

  • Maak tyd om vandag God te aanbid, gebruik die playlist wat op ons Woord en Lewe webwerf is onder Connect, of gebruik die aanbidding wat Sondag tydens die diens gedoen is. 

 

WERKE en vrae:


As Konneksiegroep spandeer net so 5-10 minute voor julle verdaag in stilte en elke lid beantwoord vir homself/haarself die vrae hieronder. Skep ‘n rustige atmosfeer en laat toe dat die Here met elkeen afsonderlik praat.  

 

  1. Kyk na die areas waar jy swaarkry. Vra die Here om jou bewus te maak van die oorwinning wat kom vanuit hierdie swaarkry.
  2. Hoe kan jy hierdie week uitreik na iemand om jou wat swaarkry?