Wat Sou Jesus Doen – 3:

Matt 11:28-30 (53)

Kom na My toe, almal wat VERMOEID en belas is, en Ek sal julle RUS gee. Neem my juk op julle en LEER van My, want Ek is sagmoedig en nederig van hart, en julle sal rus vind vir julle siele; want my juk is SAG en my las is lig.

 

Konneksiegroep:

  • Kies EEN AAND ‘n week om julle konneksiegroep te hou.
  • Vra elke lid van jou konneksiegroep om hulle Bybel saam te bring.
  • Indien julle wil kan julle weer saam nagmaal gebruik.

 

WELKOM:

Verwelkom: Verwelkom elke groepslid

 

Ysbreker: Kies een van die volgende onderwerpe en gesels daaroor: 

  1. a) Het jy al gewonder hoekom seker dinge met jou gebeur, om net ‘n bietjie later te sien hoekom dit gebeur het?                                                                                                                        b) Hoekom raak ons so kwaad oor ons huidige situasie en vergeet ons om op die uitkoms van hierdie situasie te konsentreer?

WOORD:

  • Gebed: 

Open met gebed. (Gee almal ‘n geleentheid)


  • Lees: 

KERNTEKSE VIR VANDAG: 

 

Luk 19:41 (NLV)

Toe Hy naderkom en die stad voor Hom SIEN, het Jesus oor die stad begin HUIL. 

 

Luk 19:42 (NLV)

Hy het verder gesê: As jy op hierdie oomblik maar net wou INSIEN watter dinge vir jou VREDE (geluk) bring! Maar nou is dit weggesteek vir jou OË. 


  • Gesels in julle Konneksiegroep oor die volgende:

 

Jesus Huil oor Jerusalem. Jesus, alhoewel nou mens was van die begin van die skepping saam met God. Hy was betrokke by die skepping, asook die skepping van die mens. Jesus het op ‘n tyd buite tyd en ruimte geleef en Hy het alles gesien. Alles wat die mens gedoen het, alles wat die mens doen en alles wat die mens nog gaan doen. Hy Huil want Hy sien die verwoesting van Jerusalem. Hy weet dat die Jode se tyd in Jerusalem min is. 

 

Ons Huil ook baie oor ons huidige situasie. In Christus het ons ‘n hoopvolle toekoms. Ons toekom is nie soos die stad Jerusalem se toekoms nie, wat ‘n hartseer toekoms gehad het. Daarom wanneer ons Huil in ons huidige situasie Huil ons nie van hartseer nie, maar Huil ons van blydskap vir dit wat Christus vir, in en deur ons gaan doen. 


  • Lees weer Vandag se tekse en gesels daaroor: 
  • Hoekom is dit nodig vir ons om partykeer te huil oor ons huidige situasie? 
  • Hoekom is dit nodig om partykeer te huil oor ons toekomstige situasie? 


  • Gebruik nou Nagmaal saam as Konneksiegroep:

 

WORSHIP – Aanbidding – https://woordenlewe.com/connect-worship/

  • Maak tyd om vandag God te aanbid, gebruik die playlist wat op ons Woord en Lewe webwerf is onder Connect, of gebruik die aanbidding wat Sondag tydens die diens gedoen is. 

 

WERKE en vrae:


As Konneksiegroep spandeer net so 5-10 minute voor julle verdaag in stilte en elke lid beantwoord vir homself/haarself die vrae hieronder. Skep ‘n rustige atmosfeer en laat toe dat die Here met elkeen afsonderlik praat.  

 

  1. Waaroor het jy nodig om te huil?
  2. Hoe dink jy gaan God jou huidige situasie verander?