Bewusteloos

Deel 4 – “‘n Gejaag na Wind”:

 

Heb 12:15 (53)

… en pas op dat niemand in die GENADE van God VERAGTER nie; dat geen wortel van BITTERHEID opskiet en onrus verwek en baie hierdeur besoedel word nie.

 

Konneksiegroep:

• Kies EEN AAND ‘n week om julle konneksiegroep te hou.
• Vra elke lid van jou konneksiegroep om hulle Bybel saam te bring.
• Indien julle wil kan julle weer saam nagmaal neem.

 

WELKOM

 

Verwelkom: Verwelkom elke groepslid

 

Ysbreker: Kies een van die volgende onderwerpe en gesels daaroor:

1. a) Dink aan ’n tyd toe jy ongelooflik hard gewerk het om iets te kry (soos ’n spesifieke motor, ’n bevordering, of ’n nuwe foon). Hoe lank het die “opgewondenheid” gehou nadat jy dit uiteindelik gekry het?
2. b) Dink aan ‘n tyd toe jy lank gewag en gebid het vir ‘n spesifieke versoek? Hoe het dit gevoel toe jy dit uiteindelik ontvang het?

 

WOORD

 

Gebed:

Open met gebed. (Gee almal ‘n geleentheid)

 

Lees: 

KERNTEKSE VIR VANDAG:

 

Pred 2:11 (NLV)                                                                                                                     Ek het daarna egter NAGEDINK oor alles wat ek bereik het, oor al die MOEITE wat ek gedoen het. Ek het besef hoe SINLOOS (Hevel) dit alles is. Dis niks anders as ’n gejaag na wind nie. Daar is geen VOORDEEL onder die son nie. (“Hevel” beteken letterlik damp, rook of asem).

Fil 3:7 (83)                                                                                                                        Maar wat eers vir my ‘n bate was, beskou ek nou as WAARDELOOS (Hevel) ter wille van Christus …                                                                                                                                                 

Gesels in julle Konneksiegroep oor die volgende:

 

Baie van ons leef op “autopilot”. Ons is so besig om ‘n bestaan te maak en dinge bymekaar te maak, dat ons geestelik “bewusteloos” raak oor dit wat werklik saak maak. Ons raak vasgevang in ‘n gejaag na wind.

 

Wanneer ons geestelik bewusteloos leef, jaag ons agter dinge aan wat nie hou nie. Koning Salomo was die rykste en wysste man, tog het hy tot ‘n skokkende besef gekom.

 

Prediker 2:11 (NLV)

“Ek het daarna egter NAGEDINK oor alles wat ek bereik het, oor al die MOEITE wat ek gedoen het. Ek het besef hoe SINLOOS (Hevel) dit alles is. Dis niks anders as ’n gejaag na wind nie. Daar is geen VOORDEEL onder die son nie.”

 

Konteks: Die Hebreeuse woord “Hevel” beteken letterlik damp, rook of asem. Dit lyk asof dit substansie het, maar as jy dit probeer vasgryp, verdwyn dit in jou hande.

 

Hoekom is hierdie gejaag na wind so uitputtend? Dit is omdat ons die leuen van EIENAARSKAP bo die waarheid van RENTMEESTERSKAP glo. As ons dink alles behoort aan ons, is dit ons verantwoordelikheid om dit te beskerm, te vermeerder en daaroor te stres. As ons besef ons is net bestuurders (rentmeesters) van God se dinge, bring dit vryheid.

 

Om uit hierdie bewustelose toestand wakker te word, moet ons leer waardeer wat werklik waarde het, en dit wat waardeloos is laat gaan.

 

Opsommend:

Die Wêreld se Manier (Bewusteloos)	God se Manier (Wakker)
Fokus: Eienaarskap (Dit is myne)	Fokus: Rentmeesterskap (Dit is God s’n)
Resultaat: Uitputting en ‘n gejaag na wind	Resultaat: Vrede en vryheid
Uitkoms: Alles is Hevel (Waardeloos/Damp)	Uitkoms: Arbeid in die Here is nooit tevergeefs nie

 

Lees weer Vandag se tekse en gesels daaroor:

1. a) Net soos in die tyd van Noag, is die wêreld vandag besig. Waarmee is mense so besig dat hulle “bewusteloos” of onbewus leef van dit wat God besig is om te doen?
2. b) In watter area in jou lewe is jy tans besig met ‘n gejaag na wind?

 

 

Aanbidding – https://woordenlewe.com/connect-worship/

Maak tyd om vandag God te aanbid, gebruik die playlist wat op ons Woord en Lewe webwerf is onder Connect, of gebruik die aanbidding wat Sondag tydens die diens gedoen was. 

 

WERKE en vrae:

 

Gebruik nou Nagmaal saam as Konneksiegroep:

 

Liefde vir God, Liefde vir Mense
As Konneksiegroep spandeer net so 5 minute voor julle verdaag in stilte en elke lid beantwoord vir homself/haarself die vrae hieronder. Skep ‘n rustige atmosfeer en laat toe dat die Here met elkeen afsonderlik praat. 

 

• • • • Vra die Here om jou gejaag te kalmeer. Wat het jy vandag nodig om God te behaag?
      • Vra die Here om jou te wys in watter area in jou lewe jy tans besig is met ‘n gejaag na wind.