Ware Liefde – Deel 2

Pastoor Renaldo Barnard

 

“Gaan deur, gaan deur die poorte (BEPERKINGS); berei die weg van die volk; gooi op, gooi die grootpad op; haal die klippe uit; LIG ‘n STANDAARD vir die mense op.” Jes 62:10 (CAB23)

Welkom

 

Woord

 

Julle gaan in julle Konneksiegroepe Nagmaal saam gebruik. Reël ondermekaar wie verantwoordelikheid vir die Nagmaal gaan neem.

 

  1. Gebed: Open met gebed. 

 

  1. Lees: 

 

Julle moet waarlik LIEF wees vir mekaar … Julle BEHOORT aan Christus en aan mekaar … (VERBOND) – Rom 12:9-10 (ABA)

 

  • Wat ‘n wonderlike gedagte. “Ons behoort aan Christus!” Ons behoort ook aan mekaar en daarom moet ons lief wees vir mekaar. Hierdie liefde vir mekaar kan ook gesien word as ‘n Verbondsliefde. Wanneer mense in die Bybel ‘n Verbond met mekaar gesluit het, het hulle letterlik bevestig dat hulle aan mekaar behoort. As Families kan ons ook in Verbondsliefde met mekaar lewe. Ons bevestig hierdie liefde aan mekaar en aan Christus deur die Nagmaal (Verbond) saam te gebruik.
    1. Kyk: Kyk weer na die preek: “Ware Liefde” DEEL 2, deur Pastoor Renaldo Barnard op Woord en Lewe se Youtube bladsy.

 

  1. Gesels in julle Konneksiegroep oor die volgende:

 

  • Lees weer as groep:

 

Rom 12:9-10 (ABA)

Julle moet waarlik LIEF wees vir mekaar … Julle BEHOORT aan Christus en aan mekaar … (VERBOND)

 

  1. Gesels oor wat hierdie teks vir elkeen beteken:
    1. Hoe kan ons waarlik lief wees vir mekaar?
    2. Hoe kan julle as Konneksiegroep Ware liefde (Verbondsliefde) aan mekaar wys?
    3. Hoe lyk iemand se liefde, wat aan Christus behoort?

 

  1. Bid vir elke groeplid teenwoordig asook afwesig.

 

  • Neem nou Nagmaal saam.

 

Worship – Aanbidding – https://woordenlewe.com/connect-worship/

 

Maak tyd om vandag God te aanbid, gebruik die playlist wat op ons Woord en Lewe webwerf is onder Connect, of gebruik die aanbidding wat Sondag tydens die diens gedoen is. 

 

Werke en vrae:

 

ONBEPERK 24 – Ware Liefde.


As Konneksiegroep spandeer net so 5-10 minute voor julle verdaag in stilte en elke lid beantwoord vir homself/haarself die vrae hieronder. Skep ‘n rustige atmosfeer en laat toe dat die Here met elkeen afsonderlik praat. 

Gebruik die woorde: “WARE LIEFDE” as jou vertrek punt.

  1. Hoe kan jy hierdie week ware liefde vir jou fisiese familie en jou Konneksiegroep-familie betoon?
  2. Gesels met die Here oor die feit dat Hy so lief is vir jou. Sy liefde vir jou is eg. Ervaar Sy liefde. Sy vir Hom hoe lief jy vir Hom is.