Wêreld in Sy Hande – Vinger in Sy Hand 

 Hou God nog hierdie “deurmekaar” wêreld in Sy Hande? Jesus se uitnodiging aan ons is om ons vinger in Sy hand te plaas wanneer ons twyfel of ongeloof ervaar.

Jes 40:12 (NLV) Wie anders het die oseane in sy hand gehou? Wie het die hemel afgemeet met die breedte van sy hand? …

Jes 48:13 (DB) Ek het met my eie hand die fondamente van die aarde gelê. Ek het met my regterhand die hemelkoepel gespan … 

Welkom

• Verwelkom almal
• Gebruik ‘n toepaslike ysbreker – https://woordenlewe.com/ice-breakers/

Woord

1. Gebed: Open met gebed.
2. Lees: Joh 20:27-28 Hy sê toe vir Tomas: “Bring jou vinger. Kyk na my hande. Kom, sit jou hand hier op die wond in my sy. Moenie twyfel dat dit regtig Ek is nie. Aanvaar dit!” Oorweldig sê Tomas: “My Here en my God!
3. Kyk: Kyk nou as CONNECT Groep na die kort video met vanaand se tema. 
4. Gesels: Wanneer ek myself in ‘n plek van twyfel vind, hoe beweeg ek na ‘n dieper geloof?

Alhoewel die skrywer van die evangelie van Johannes baie sterk standpunt inneem rondom geloof en ongeloof, vertel hy tog die storie van Tomas. Tomas praat drie keer in die boek Johannes. Ons sien hoe Tomas se twyfel na ongeloof lei, maar ons sien ook hoe Jesus Tomas ontmoet in sy ongeloof en hoe Tomas weer sy geloof in Jesus bevestig. Tomas sterf as martelaar in Indië. Hy was die eerste sendeling wat die geloof in Jesus Indië toe gevat het.

Gesels bietjie oor die volgende vrae:

• Wanneer jy jouself in ‘n neutrale plek van twyfel kry, wat kan jy doen om nie soos Tomas na ongeloof nie, maar eerder na geloof te beweeg?
• Het jy dalk ‘n storie van toe Jesus jou ontmoet het in jou twyfel, of net soos Tomas in jou ongeloof?

Worship – Aanbidding – https://woordenlewe.com/connect-worship/

Maak tyd om vandag God te aanbid, gebruik die playlist wat op ons Woord en Lewe webwerf is onder Connect, of gebruik die aanbidding wat Sondag tydens die diens gedoen is. 

Werke en vrae

• Is daar dalk iemand in die Connect Groep wie se geloof deur ‘n tyd van beproewing gaan? 
• Bid nou as groep saam vir die groeplid en bid vir die persoon gedurende die res van week?